Հարգելի հայրենակիցներ՜ Վրաստանի արտաքին գործերի նախարարությունը տեղեկացնում է՝

2026 թվականի հունվարի 1-ից, Վրաստանի "Զբոսաշրջության մասին" օրենքի համաձայն, Վրաստան մուտք գործող բոլոր զբոսաշրջիկների համար պարտադիր է դառնում առողջության և դժբախտ պատահարներից ապահովագրության առկայությունը:

Վրաստան մուտք գործող յուրաքանչյուր զբոսաշրջիկ պարտավոր է թղթային կամ էլեկտրոնային տարբերակով ներկայացնել ապահովագրության առկայությունը հավաստող փաստաթուղթ, որը ձևակերպված է վրացերեն կամ անգլերեն:

Ապահովագրական փաստաթուղթը կարող է տրամադրվել ինչպես վրացական, այնպես էլ միջազգային ապահովագրական ընկերությունների կողմից, Ընդ որում ապահովագրական գումարը պետք է կազմի առնվազն 30 000 լարի:

Ապահովագրությունը պետք է գործի զբոսաշրջիկի ՝ Վրաստան մուտք գործելու պահից մինչև նրա դուրս գալը, ողջ ժամանակահատվածի համար: