ՀԿԵ ընկերության երիտասարդները՝ մեկ թիմ. զարգացման, փոխգործակցության և նոր գաղափարների երեք օր

2026 թվականի հոկտեմբերի 16-18-ը Աղվերանում տեղի ունեցավ "Հարավկովկասյան երկաթուղի" ընկերության երիտասարդները՝ մեկ թիմ" կորպորատիվ միջոցառումը, որը համախմբեց ընկերության երիտասարդ աշխատակիցներին: Միջոցառումն ուղղված էր թիմային փոխգործակցության զարգացմանը, մասնագիտական և անձնական կոմպետենցիաների կատարելագործմանը, ինչպես նաև ընկերության երիտասարդ մասնագետների միջև կորպորատիվ ոգու և փոխըմբռնման ամրապնդմանը:

Երեք օրվա ընթացքում մասնակիցները հնարավորություն ունեցան դուրս գալ սովորական աշխատանքային միջավայրից, սերթ ծանոթանալ տարբեր ստորաբաժանումների գործընկերների հետ, փոխանակվել փորձով, արդյունավետ հաղորդակցվել ու մասնակցել համատեղ խնդիրների լուծման հմտությունների զարգացմանը նպաստող միջոցառումներին: Հատուկ ուշադրություն է դարձվել թիմային աշխատանքին, ընդհանուր արդյունքի համար յուրաքանչյուր մասնակցի պատասխանատվությանը, համատեղ գործունեության պայմաններում միմյանց լսելու և լուծումներ գտնելու կարողությանը:

Նման նախաձեռնությունները լրացուցիչ հնարավորություններ են ստեղծում երիտասարդ աշխատողների մասնագիտական և անձնական զարգացման համար, օգնում են ձևավորել կայուն աշխատանքային կապեր և ՀԿԵ միասնական թիմին պատկանելու զգացում:

Աղվերանում կայացած միջոցառումը ևս մեկ քայլ էր ընկերության կորպորատիվ մշակույթի զարգացման գործում՝ հիմնված համագործակցության, փոխադարձ աջակցության և ընդհանուր նպատակների ձգտման վրա: ՀԿԵ ընկերությունը ոչ միայն երկաթուղին է, այլև մարդիկ, ովքեր միասին կերտում են նրա ներկան ու ապագան: