8 օրում Հայաստանով և Վրաստանով

«Հարավկովկասյան երկաթուղի» ընկերությունը Gepard Express ընկերության հետ համատեղ կազմակերպել են երկաթուղային զբոսաշրջային տուր: Հուլիսի 4-ից 12-ը Չեխիայից ժամանած զբոսաշրջիկները գնացքով կանցնեն Երեւան-Վանաձոր-Այրում-Թբիլիսի-Բաթումի-Երեւամ երթուղով:

Բոլոր 8 օրերի ընթացքում նրանք բնակվելու են ՀԿԵ ընկերությանը պատկանող նոր եւ ժամանակակից վագոններում, այցելելու են տեսարժան վայրեր, վագոնի պատուհաններից ծանոթանալու են Հայաստանի ու Վրաստանի հետ եւ մասնակցելու են մի շարք միջոցառումների:

ՀԿԵ-ն եւ չեխական Gepard Express ընկերությունը նմանատիպ ճամփորդություն արդեն կազմակերպել են, եւ սա թվով երկրորդն է: 2025 թվականին իրականացվել է առաջին ճամփորդությունը, եւ այն ստացել է բավականին մեծ դրական արձագանք: ՀԿԵ-ն ստանում է եւ տվյալ պահին դիտարկում տարբեր ընկերությունների կողմից ներկայացված տուրիստական ճամփորդությունների առաջարկները:

Gepard Express ընկերությունը մասնագիտացված է նաեւ երկաթուղային տուրիզմում եւ ունի մեծ փորձ տվյալ ոլորտում: