Կամրջային կառույցի փոխարինում սեղմ ժամկետներում
Աշխատանքների ընթացքում ամբողջությամբ ապամոնտաժվել և վերականգնվել է ոչ միայն կամրջային կառույցը, այլև գիծը, կոնտակտային ցանցը և այլ հաղորդակցական համակարգեր։ Բոլոր աշխատանքներն իրականացվել են ընկերության ուժերով, իսկ բետոնե կոնստրուկցիաները պատրաստվել են «Կամուրջշին» ընկերության կողմից։
«Ինժեներական կառույցների վրա իրականացվող շինարարական աշխատանքները պահանջում են հարյուրավոր աշխատակիցների՝ ինչպես ՀԿԵ-ի, այնպես էլ համագործակցող կազմակերպությունների բարձր մակարդակի կազմակերպված և մասնագիտական աշխատանք։ Բացի այդ, նման աշխատանքների ընթացքում հաճախ առաջանում են գնացքների երթևեկության գրաֆիկի ժամանակավոր փոփոխություններ։ Սակայն այս աշխատանքները նպատակ ունեն բարձրացնել երթևեկության անվտանգությունը և ապահովել երկաթուղու անխափան աշխատանքը։ Հույս ունեմ, որ մեր ուղևորները ըմբռնումով են վերաբերվում ժամանակացույցի ժամանակավոր խափանումներին», – նշել է «Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովը։
Չնայած աշխատանքների բարձր կազմակերպվածությանը և օպերատիվ իրականացմանը՝ չեղարկվել են չորս քաղաքամերձ էլեկտրագնացքներ, ինչի կապակցությամբ ՀԿԵ-ն հայցում է ուղևորների ներողամտությունը պատճառված անհարմարությունների համար։
2026 թվականին, ներդրումային ծրագրի շրջանակում, ընկերությունը նախատեսում է վերակառուցել երեք նմանատիպ ինժեներական կառույց, այդ թվում՝ մեկ մետաղյա կամուրջ։
2025 թվականի արդյունքներով՝ «Հարավկովկասյան երկաթուղի» ՓԲԸ-ն ենթակառուցվածքների պահպանման և զարգացման ծրագրերի ուղղությամբ ներդրել է 1 միլիարդ 860 միլիոն դրամ։ Այդ գումարի հիմնական մասը՝ մոտ 1 միլիարդ 740 միլիոն դրամ, արդեն ուղղվել է ճանապարհային տնտեսության զարգացմանը, իսկ շուրջ 44 միլիոն դրամ՝ էլեկտրիֆիկացիայի և էներգամատակարարման ոլորտներին։ Ընթացիկ տարում փոխարինվել է 7 կիլոմետր երկաթուղային գիծ։