Նորություն

Ուղևորները սեպտեմբերի 1-ից կարող են օգտվել «Հարավկովկասյան երկաթուղի» ընկերության էլեկտրագնացքի ծառայություններից Գյումրի-Վանաձոր-Գյումրի երթուղով: Մերձքաղաքային էլեկտրագնացքը կգործի ամեն օր (բացի չորեքշաբթի օրվանից)։

Էլեկտրագնացքը Գյումրու կայարանից մեկնում է ժամը 07:30-ին, ժամանում Վանաձորի կայարան՝ 08:59-ին։ Հակառակ ուղղությամբ էլեկտրագնացքը Վանաձորի կայարանից մեկնում է ժամը 17:15-ին և ժամանում Գյումրի 18:47-ին:

Էլեկտրագնացքը գործելու է թեստային ռեժիմով: Տոմսի արժեքը մեկ ուղղությամբ կազմելու է 700 դրամ։