Նորություն
Հազարավոր գրքերի նվիրատվություն հայկական դպրոցներին ակցիա
Երբ օգտակարը կարելի է համադրել հաճելիի հետ: Այսօր Հայաստանի տարբեր քաղաքներից ժամանած դպրոցների ուսուցիչներն ու մյուս ներկայացուցիչները հավաքվել են մեկ վայրում ՝ Երեւանի "Հարավկովկասյան երկաթուղում": Այդ այցի նպատակը մեկն էր ՝ «Ռուսական տունը» Երևանում ՀԿԵ – ի հետ համատեղ իրականացնում էր "Ռոսսոտրուդնիչեստվո" ամենամյա ակցիան ՝ հազարավոր գրքեր նվիրելով Հայաստանի դպրոցներին ։
Հայաստանում «Ռոսսոտրուդնիչեստվոյի» ներկայացուցչության ղեկավար Վադիմ Ֆեֆիլովի խոսքերով, 2022 թվականին Ռուսական տները Երևանում և Գյումրիում «Գրքեր Հայաստանի դպրոցների և համալսարանների համար» ծրագրի շրջանակներում, Հայաստանի ուսումնական հաստատություններին կնվիրաբերի ավելի քան 11000 օրինակ ուսումնական, գեղարվեստական և գիտամեթոդական գրականություն։
«Ուզում եմ նշել, որ «Գրքեր Հայաստանի դպրոցների և համալսարանների համար» ակցիայի անցկացման վայրի ընտրությունը ոչ մի դեպքում պատահական չէ, քանի որ «Հարավկովկասյան երկաթուղի» ՓԲԸ-ն «Ռուսական երկաթուղիներ» փակ բաժնետիրական ընկերության դուստր ձեռնարկությունն է։
Այսօր երկաթուղին Գյումրի, Թբիլիսի և Բաթում ուղևորներ հասցնելու ամենահարմար ճանապարհն է։ Մենք բոլորս սիրում ենք ճանապարհորդել, սիրում ենք ճանապարհներ, և հուսով ենք, որ «ՀԿԵ»-ն կօգնի մեզ ճանապարհներ կառուցել Հայաստանում և այլ երկրներում: Որքա՜ն հիանալի է լավ գիրք կարդալ անիվների ձայնի ներքո»,- ասել է Վադիմ Ֆեֆիլովը։ "Հարավկովկասյան երկաթուղի" ՓԲԸ գլխավոր տնօրենի տեղակալ Օլեգ Շչուկինը, ողջունելով հյուրերին ղեկավարության անունից, նշել է, որ համատեղ ծրագիրը ձևավորվել է այնպես, որ հայ երեխաները իմանան, որ Հայաստանում երկաթուղին հետաքրքիր պատմություն ունի, և որ այն տեղում չի դոփում, այլ զարգանում է և նոր հնարավորություններ է տալիս ոչ միայն իրենց հաճախորդներին, այլ նաև Հայաստանի տնտեսությանը:
"Մենք ձգտում ենք ցույց տալ, որ դինամիկ զարգանում ենք եւ իսկապես հանդիսանում ենք Հայաստանի այն կարեւոր տարրը, որը թույլ է տալիս զարգացնել երկրի տնտեսությունը", ― ասել Է Օլեգ Շչուկինը:
Դպրոցի ներկայացուցիչներին գրքեր բաժանելուց հետո աշակերտները հրավիրվեցին միջոցառման ամենահետաքրքիր հատվածին՝ շրջայց կայարանում, որի ընթացքում երեխաները ոչ միայն ծանոթացան ՀԿԵ-ի ողջ պատմությանը, այլև տեսան նոր գնացքներ: Իսկ միջոցառման հենց վերջում երեխաներին սպասվում էին ինտերակտիվ թիմային խաղեր։
Նշենք, որ գրքերը փոխանցվել են ռուսաց լեզվի խորացված ուսուցմամբ 16 ավագ, հիմնական և միջնակարգ դպրոցներին:
